პროექტები და ღონისძიებები(არქივი)
Non Progredi Est Regredi
Non Progredi Est Regredi
Georgian College of Internal Medicine
საქართველოს შინაგანი მედიცინის კოლეგიის იუნიორთა სექცია
ძვირფასო კოლეგებო და მეგობრებო! უდიდესი სიხარულით გვინდა გაუწყოთ საქართველოს შინაგანი მედიცინის კოლეგიის იუნიორთა სექციის ჩამოყალიბება; სექციისა, რომელიც წარმოადგენს მედიცინის სტუდენტების, შინაგანი მედიცინის სხვადასხვა მიმართულებების რეზიდენტების და ახალგაზრდა ექიმ-სპეციალისტთა გაერთიანებას, რომელსაც უკავშირდება კოლეგიის დამფუძნებელთა, საპატიო და პროფესიულ წევრთა უდიდესი იმედები!
ინფექციური ენდოკარდიტი
ქართულენოვანი ადაპტირებული პლათფორმა
საქართველოს შინაგანი მედიცინის კოლეგია აგრძელებს კლინიკური გაიდლაინების და რეკომენდაციების თარგმნას და ადაპტირებას, იოლად გამოსაყენებელი და დროის დამზოგველი, ქართულენოვანი პლათფორმების სახით. წარმოგიდგენთ ევროპის კარდიოლოგთა საზოგადოების კლინიკური პრაქტიკის გაიდლაინების კომიტეტის მიერ შემუშავებულ გაიდლაინს ინფექციური ენდოკარდიტის მართვის თაობაზე. მნიშვნელოვანი გახლავთ ის ფაქტიც, რომ ქართულენოვანი ადაპტირების ავტორი გახლავთ ჩვენი კოლეგიის იუნიორთა სექციის აქტიური წევრი ლევან ჭელიძე. ვფიქრობთ, რომ წინამდებარე პროდუქტი, რომლის ჩამოტვირთვა შეგიძლიათ ქვემოთ მითითებული ბმულიდან, მნიშვნელოვან დახმარებას გაუწევს სპეციალისტებს. ჩამოტვირთეთ
არტერიული სისხლის აირები
სწრაფი და მარტივი ინტერპრეტაცია
წარმოგიდგენთ საქართველოს შინაგანი მედიცინის კოლეგიის იუნიორთა სექციის წევრების, ახალგაზრდა და პერსპექტიული მედიკოსების: ლევან ჭელიძის და ანზორ გოგიბერიძის პირველ ნაშრომს, რომელიც ეძღვნება სისხლის მჟავა-ტუტოვანი წონასწორობის დარღვევების სწრაფ და მარტივ ინტერპრეტაციას. გადმოცემის მარტივად აღსაქმელი და ლაკონური ფორმა, ორიგინალური ილუსტრაციები, ცხრილები, დიაგრამები და ალგორითმები, უკიდურესად მიმზიდველს ხდის ახალგაზრდა კოლეგების ნაშრომს, რომელსაც ნამდვილად არ აქვს პრეტენზია ფუნდამენტალურობაზე, თუმცა სრულიად აკმაყოფილებს სამაგიდო სახელმძღვანელოს მოთხოვნებს.
იშვიათი კლინიკური შემთხვევა
წარმატებული დებიუტი
ფარმაციის და სამედიცინო მეცნიერებების საერთაშორისო კვლევითი ჟურნალის (International Research Journal of Pharmacy and Medical Sciences (IRJPMS)-ISSN (Online): 2581-3277) სექტემბრის ნომერში გამოქვეყნდა საქართველოს შინაგანი მედიცინის კოლეგიის იუნიორთა სექციის წევრების, ანზორ გოგიბერიძის, ლევან ჭელიძის, იზი მგელაძის ავტორობით და პროფ. კახაბერ ჭელიძის თანაავტორობით შესრულებული პუბლიკაცია, რომელიც ეხება ზრდასრულთა ასაკში ინიცირებული სტილის დაავადების დიაგნოსტიკის და წარმატებული მართვის კლინიკურ შემთხვევას.